खाओ पीओ, छिको मत
चालो फिरो, थक्को मत
बोलो चाल्लो, बक्को मत
देखो भालो, ताक्को मत।
#
ठाढा मारै - रोवण दे ना
खाट खोस ले -सोण दे ना
#
जिस खेत मैं खसम ना जा
वो खेत खसम नै खा।
#
जिस घर बड्डा ना मानिये, ढोरी पड़ै ना घास
सास-बहू की हो लड़ाई, उज्जड़ हो-ज्या बास ।
#
तन का उजला मन का काळा, बुगले जिसा भेस
इसां तै तो काग भला जो बाहर भीतर एक
#
अगेती फसल और अगेती मार करणियां की होवै ना कदे बी हार।
#
आपणा मारे छाया में गेरे
#
आँधे की माक्खी राम उड़ावै।
#
काका कहे त कोए काकडी ना दे।
#
झोटे-झोटे लड़ैं, झाड़ियां का खो।
#
एक घर तै डायण भी छोड दिया करै।
#
जूती तँग अर्र रिश्तेदार नंग, सारी जगहां सेधैं।
#
काम का ना काज का ... ढाई मण अनाज का
#
के तो बाबा रेल मैं - के ज्यागा जेल मैं।
#
खाद पड़ै तै खेत, अर्र नांह तै कूड़ा रेत।
#
घी सुधारै खीचड़ी, अर्र बड्डी बहू का नाम।
#
जिसनै करी सरम, उसके फूटे करम।
#
जिसनै चलणी बाट, उसनै किसी सुहावै खाट।
#
बिटोड़े में तै गोस्से ए लिकड़ैंगे
#
भैंस आपणे रंग नै ना देखै, छतरी नै देख कै बिदकै
#
सूधी छिपकली घणे माछर खावै
#
हारे ओड़ कै दो लठ फालतू लाग्या करैं
#
विशेष: यदि आप हरियाणवी कड़के, मुहावरे या लोकोक्तियों का ज्ञान रखते हैं या आपके पास ये किसी प्रकार से उपलब्ध हैं तो कृपया इन्हें 'म्हारा हरियाणा' से सांझा करें।
